اقنعة لبشرتك اختي

من طرف **زهرة الشرق** السبت نوفمبر 29, 2008 8:36 am

السلام عليكم ورحمة الله وبركاته

اول قناع للبشرة العادية:

تاخدي خوخه تقشريها وتمعسيها اي تمعكيها مزياان وتحوطيها على وجهك مدة 20 دقيقة ومن بعد تاخدي فوطه مبللة بالماء دافي وتمسحي وجهك مزيان ودهني بأي كريم او زيت كتستعمليه

ملاحظة : الخوخ يساعد على تغدية البشرة العادية ونظارتها وبريقها.

تاني قناع للبشرة الجافة :

كتاخدي زيت اللوز ياليت يكون من نوع جيد لان لي كتباع عند عطار ماركه تانيه خوديه من صيدلية راه تمنه ماغليش صغير ب6 دراهم وكبير 20 درهم دهني بيه ودجهك وياليت يكون بليل حسن قبل متنعسي وخليه مدة 20 دقيقة وخودي كاغيط نشاف وحوطيه على وجهك باش يمص باقي زيت ومتغيسليه ماوالو حتى صباح وغسلي باي نوع صابون كدريه

ملاحظة : الزيت اللوز يساعد على تغدية البشرة الجافة وازالة اتار تعب عنها وتغديتها وبالتالي نضارتها وضهورها بافضل حلة تابعيه وردي عليا الخبار

تالت قناع للبشرة دهنية:

هاد قناع كنستعملو خصيصا هادي تلات سنين دابا وهو خاص بالبشرة الدهنيه كتاخد مطيشة كتحوكيها البابا ديالها صافي وكتاخدي قشرة ليكون غسليها وحكيها حتى هي وخلطيهم بجوج وديريهم وجهك مدة 20 دقيقة من بعد خودي فوطه مبللة بماء دافي ومسحي وجهك ودهنيه بأي كريم او زيت خاص بنوع بشرتك

ملاحظة: هاد قناع يساعد على تفتيح مسام البشرة ومص زيوتها المسببة للنقط سوداء ونظارتها وبريقها وصفائها